ალბათ, ბევრ თქვენგანს ჰქონია ისეთი მომენტი, როცა რაღაც ტექნიკას ყიდულობთ, ფიქრობთ, რომ საუკეთესო ვარიანტი შეარჩიეთ, ფულიც არ დაინანეთ, მაგრამ შედეგით უკმაყოფილო დარჩით. წყლის ტუმბო ზუსტად ის ნივთია, სადაც ასეთი იმედგაცრუება ყველაზე ხშირად ხდება ხოლმე.
წარმოიდგინეთ სიტუაცია: აგარაკზე ხართ, ზაფხულის ცხელი დღეა, გინდათ შხაპი მიიღოთ ან ბაღი მორწყათ, ონკანს უშვებთ და… წყალი ისეთი წნევით მოდის, თითქოს სადღაც შორს, მთის წყაროდან წვეთავდეს. არადა, ტუმბო ახალია. რა ხდება? ნუთუ ტუმბოა უხარისხო?
ჩვენი გამოცდილებით (და ამ სფეროში უკვე 12 წელზე მეტია ვტრიალებთ), 10 შემთხვევიდან 9-ჯერ პრობლემა არა აპარატურაში, არამედ მის არასწორ შერჩევაშია. ბევრს ჰგონია, რომ ტუმბოს ყიდვა მაღაზიაში პურის ყიდვას ჰგავს — შეხვედი, აიღე და წამოხვედი. სინამდვილეში კი, აქ ფიზიკის კანონები მუშაობს, რომლის უგულებელყოფაც პირდაპირ ურტყამს თქვენს ჯიბეს.
დღეს მინდა გულახდილად გითხრათ იმ 5 მთავარ შეცდომაზე, რომელსაც მომხმარებლები ყოველდღიურად უშვებენ. ამის ცოდნა დაგეხმარებათ, რომ იგივე არ გაიმეოროთ.
1. გიგანტომანია
ეს ალბათ ყველაზე გავრცელებული პრობლემაა. მოდის მომხმარებელი და ამბობს: „მოდი, ცოტა მძლავრი მომეცი, მარაგში მქონდეს, ზედმეტი ხომ არ იქნება“. რეალურად, ყიდულობენ 2 კილოვატიან მონსტრს იქ, სადაც პატარა, 0.5 კილოვატიანი წყლის ტუმბო სრულიად საკმარისი იქნებოდა.
რატომ არის ეს ცუდი? წარმოიდგინეთ, რომ საცობში დგახართ უსწრაფესი სპორტული მანქანით. გაზს მიადგამთ — დაატორმუზებთ, მიადგამთ — დაატორმუზებთ. რა მოუვა მანქანას? ძრავი გადახურდება და ბენზინსაც უაზროდ დაწვავთ.
ზუსტად იგივე ემართება ტუმბოსაც. როცა ის სისტემისთვის ზედმეტად მძლავრია, იწყებს ე.წ. „ტაქტაობას“. ანუ, წამებში ქმნის წნევას, ითიშება, მერე წყალს ოდნავ მოუშვებთ, ისევ ირთვება. ასე „აწვალებთ“ ძრავს, დენის ქვითარი კი თვის ბოლოს ნამდვილად არ გაგახარებთ. გარდა ამისა, ზედმეტმა წნევამ შეიძლება თქვენი სახლის მილები დააკოჭლოს, გადაბმები გახეთქოს და ონკანები გააფუჭოს. ამიტომ, დაიმახსოვრეთ: ზედმეტი სიმძლავრე ყოველთვის კარგი არ არის.
2. როცა მილის სისქეს არ ვაქცევთ ყურადღებას
ეს მეორე კლასიკური შეცდომაა. ადამიანი ყიდულობს კარგ, ძვირიან ტუმბოს, მაგრამ მას აერთებს ვიწრო, იაფფასიან „შლანგზე“ ან წვრილ მილზე.
წარმოიდგინეთ, რომ სქელ, გემრიელ კოქტეილს სვამთ ძალიან წვრილი საწრუპით. რამდენი ძალაც არ უნდა დაატანოთ, სითხე სწრაფად არ წამოვა, თქვენ კი დაიღლებით. ზუსტად ასევე იღლება წყლის ტუმბოც.
როცა მილი ვიწროა, ტუმბო მუშაობს მაქსიმუმზე, ხურდება, წვალობს, მაგრამ წყალი მაინც სუსტი ნაკადით მოდის. თქვენ ფიქრობთ, რომ ტუმბოა სუსტი, სინამდვილეში კი მას უბრალოდ „ახრჩობთ“. სისტემა კომპლექსურად უნდა იყოს გათვლილი. PN-ში ჩვენ ყოველთვის გეკითხებით: „რა დიამეტრის მილზე აერთებთ?“, რადგან ამის გარეშე საუკეთესო აპარატიც კი ვერ იმუშავებს.
3. დაცვის არქონა – ანუ „მშრალი სვლა“
იცით, რა კლავს ტუმბოების ნახევარზე მეტს? არა სიძველე, არამედ უწყლოდ მუშაობა. განსაკუთრებით ეს ეხება ჩასაძირ მოდელებს (ე.წ. „ნასოსებს“). მათი ძრავი გრილდება სწორედ იმ წყლით, რომელსაც ტუმბავს. წყალი მისთვის არის როგორც გამაგრილებელი სისტემა.
თუ ჭაში წყალი გამოილია, ან ავზში დონემ დაიწია და ტუმბო ჩართული დარჩა, სულ რაღაც 5-10 წუთში ის ისე გადახურდება, რომ შიგნით პლასტმასის ნაწილები დადნება და ძრავი გაჭედავს. ამის აღდგენა ხშირად შეუძლებელია.
ბევრს ენანება 20-30 ლარის გადახდა დამატებით დაცვაში (ტივტივა ან წნევის რელე), რაც საბოლოოდ რამდენიმე ასეული ლარის ზარალს იწვევს. არ დატოვოთ ტექნიკა „ღვთის ანაბარა“.
4. არასწორი ტიპი – სუფთა წყალი vs ჭუჭყიანი
ხშირად ცდილობენ მშენებლობაზე ან სოფელში, ჩვეულებრივი სუფთა წყლის ტუმბოთი ამოტუმბონ მღვრიე, ქვიშიანი წყალი მდინარიდან ან დატბორილი სარდაფიდან.
ეს იგივეა, რომ მსუბუქი მანქანით ოფროუდზე წახვიდეთ. სუფთა წყლის ტუმბოს მექანიზმი ძალიან ზუსტია, იქ დაშორებები მიკრონებში იზომება. საკმარისია სისტემაში მოხვდეს ქვიშა ან პატარა კენჭები, რომ ტუმბოს შიგნითა ნაწილი (იმპელერი) ზუმფარასავით გაიხეხოს. სულ რამდენიმე საათში ასეთი მუშაობა ტუმბოს ნაგავსაყრელისთვის გაამზადებს.
თუ წყალში ნარჩენებია, აუცილებელია სპეციალური, სადრენაჟე ტუმბოს გამოყენება. მას სულ სხვა აგებულება აქვს და შეუძლია „გაატაროს“ ნაწილაკები ისე, რომ არ გაფუჭდეს.
5. „იაფიანი“ ერთჯერადი ტუმბოები
დაბოლოს, ყველაზე მტკივნეული თემა. ბაზარზე უამრავი უცნობი წარმოშობის ტუმბო იყიდება. ისინი იაფია და ვიზუალურად არაფრით განსხვავდება ბრენდულისგან. მაგრამ პრობლემა იჩენს თავს მაშინ, როცა რამე ფუჭდება.
საკმარისია ერთი პატარა რეზინი („სალნიკი“) გაფუჭდეს, ან პატარა დეტალი გატყდეს, და აღმოაჩენთ, რომ ამ მოდელის ნაწილები ბუნებაში არ არსებობს. გამოდის, რომ მთელი ტუმბო გადასაგდებია ერთი პატარა დეტალის გამო.
ჩვენ, PN-ში, ამას სხვანაირად ვუდგებით. რადგან ჩვენ თვითონ ვართ იმპორტიორებიც და ინჟინრებიც, ჩვენთან შეძენილ ტექნიკაზე ყოველთვის გვაქვს სათადარიგო ნაწილები. ტუმბო არის მანქანასავით — მას სჭირდება მოვლა და ხანდახან დეტალების შეცვლა. თუ ნაწილები არ იშოვება, ის ერთჯერადია. არადა, კარგი ტუმბო წლები უნდა გემსახუროთ.
მაშ, როგორ მოვიქცეთ? ნუ იყიდით ტუმბოს „თვალის ზომით“. ეს მათემატიკაა. საჭიროა გაითვალოთ მანძილი, სიმაღლე, მილის დიამეტრი და წყლის ხარჯი.
ჩვენთან, PN-ზე, ამაში არაფერს ვიღებთ. მობრძანდით, აგვიხსენით თქვენი სიტუაცია და ჩვენი ინჟინრები ზუსტად გეტყვიან, რა გჭირდებათ. ჩვენ არ მოგცემთ უფლებას, იყიდოთ იმაზე მეტი (ან ნაკლები), ვიდრე თქვენს სახლს სჭირდება.
დაათვალიერეთ ჩვენი არჩევანი- წყლის ტუმბო- და მიიღეთ სწორი გადაწყვეტილება.